Qəzəl
Gör bir necə qalxır göyə Məcnunun harayı,
Yüz il görünür çün ona hicrində hər ayı.
O qədri atıbsan sinəmə kirpik oxundan,
Yox yarələrin göydəki ulduz təki sayı.
Bir böylə ki, sənsiz bu gözüm yaş axıdıbdır,
Dərya bilib anı, yığılıb xeyli qağayı.
Can nəqdini ver eşq bazarında vüsalçün,
Harda görünüb ki, yetəsən vəslə havayı.
Vəsf etmək ilə gül üzünü axırı Fəhmi,
Bir şair olar, sonra çıxmasa zayı.
Nəzm
ilqarfehmi
Sentyabr 16, 2007 15:17
Baxış sayı: 142
Şərhlər(0)