Bir ildən yuxarıdır ki, üzərində çəkiliş işləri gedən «Ölüm növbəsi» adlı filmin çəkliş işləri tamamlanmaq üzrədir. Bu məlumat bizə Mədəniyyət və Turizm Nazirliyindən verilib.

Qeyd edək ki, film sifariş xarakterlidir. Mədəniyyət və Turizm Nazirliyinin sifarişi olan bu ekran əsərində baş rolun ifaçısı xalq artisti Şamil Süleymanovdur. Onun tərəf müqabili «Xalq ulduzu» müsabiqəsindən tanıdığımız Mirkamil Mirkamilovdur. «Ölüm növbəsi»nin ssenari müəllifi İlqar Fəhmi, rejissoru isə Fikrət Əliyevdir.

Yazıçı İlqar Fəhminin “Ölüm növbəsi” ssenarisinə çəkilən film yaxın günlərdə tamamlanacaq. Bu barədə məlumatı İlqar Fəhmi özü verib.
Yazıçının sözlərinə görə, hazırda filmin səsləndirmə prosesi üzərində iş gedir.
Qeyd edək ki, filmin baş rollarına Şamil Süleymanov, Qorxmaz Əlili, Gülər Nəbiyeva və müğənni Mirkamil çəkilib.
Yazıçı onu da vurğulayıb ki, film mistik-tragikomediya janrındadır.
Filmin fevral ayının sonuna kimi təhvil verilməsi nəzərdə tutulub.
Yazıçının “Aktrisa” əsərinə də film çəkilir. Film artıq istehsalata buraxılıb. Hazırda filmə aktyor seçimi prosesi gedir.
İlqar Fəhminin sözlərinə görə, film Mədəniyyət və Turizm Nazirliyinin sifarişi ilə “Pozitiv media” studiyasında çəkilir. Filmə əcnəbi aktyorlar da dəvət olunacaq.
Xatırladaq ki, bu, 1 hissədən ibarət tammetrajlı film olacaq.
Filmin bəstəkarı Oqtay Zülfüqarovun oğlu C.Zülfüqarov, rejissoru isə Rövşən İsaqdır. Filmin 2009-cu ilin sonlarına qədər təhvil verilməsi nəzərdə tutulub.

Şair İlqar Fəhmi və bəstəkar Gövhər Həsənzadə yeni müsiqi layihəsi üzərində işləyirlər. İlqar Fəhminin bizə verdiyi məlumata görə, bu layihə beynəlxalq standardlara uyğun şəkildə hazırlanır. Layihə “Musical” adlandırılacaq. Bu layihədə zəngin işıq effektləri, rəqs qrupları və bir neçə sürpriz təqdim olunacaq.